原來我真係好驚失去你....

明明只係在遊戲上面認識到ge朋友

我真係好驚我嘅存在從此會比佢地就咁埋沒

或者我真係吃緊Angel醋

明知佢係個好女仔 同埋我都知佢唔會無啦啦搶走你

但正正因為條件太好 反而好驚你會離開我

點解你地可以有傾唔完ge話題?

我甚至乎會諗....如果我又係咁同男仔fd傾計

你會唔會體會到我ge感受?

不過我都係得個諗字, 我根本唔想刻意咁做

更加唔想令你唔開心

點解我會驚你跟左人去?

記得我地起初係點樣識嗎?

我地初初相識 都係咁樣玩msn同傾電話...

同樣講到咁上下會聽到你開懷大笑ge聲...

諗都冇諗到 我地會一齊左!

於是我就擔心...或者更加以前你同其他女仔一齊玩ge時候已經擔心...

你每次一同女仔朋友傾得咁開心...

我就會諗.....會唔會有一日你又係咁樣同邊個傾得投契...

之後就放棄我同左佢一齊??

有時你傾電話...你開心我應該都開心先係....

但我竟然係你愈笑得開心 我就愈想喊...自己講起都覺得搞笑...

昨晚同小瀑布傾計都有傾呢d...

佢直情問...洗唔洗叫Angel同阿橙佢地少d打比你?

但係我話唔洗......

就算我再吃醋都好

你地傾計只係為開心 又唔係傾d咩

根本唔洗有咩避忌

又洗咩專登少d打黎呢?

(倒不如話....如果之後變左o係我睇唔到ge時候先傾....情況可能仲衰)

呢d說話 我真係唔敢開口同你地兩個講

一定笑我傻 笑我諗到太空咁遠 諗到咁天馬行空

但我總覺得....我係想比你地知道我諗緊咩

但要小賢擔心 我都已經覺得自己衰

仲要埋初初相識ge朋友擔心埋一份

真係好令我無地自容.....所以我一直都冇講出黎

上一次約出黎食飯....

其實我真係唔想出....

我明知自己會一副衰樣走出黎

最終都係跟左你出黎

我諗住無論如何 始終係朋友一場, 再唔開心都要忍住

結果去到, 我居然扮都扮唔出開心ge表情出黎

搞到要咁多人一直對住你個黑面女朋友

我都覺得十真係好唔好意思.........

但當時我聽住你地一直講d我唔知道ge話題笑得咁開心

更加令我覺得自己留o係度阻住哂....好想搵個地方匿埋...

我都冇諗到自己會低落到連咁好味ge牛扒我都食唔落.....哈哈

通常而家大家都覺得...呢d野 緊係我同你好好溝通下就ok

但我真係唔想好似迫你咁

你一向都係重視朋友 喜歡識朋友 咁樣識朋友

唔理係男仔定女仔 你本身係受歡迎ge人, 一個好多人都中意搵你傾計ge人

實在冇必要為左我一個 去改變自己根本冇錯ge習慣

但我都好擔心....此時此刻ge你對我有耐性

我實在唔敢用感情去挑戰你ge耐性

但我個腦偏偏會自動同我諗到一d唔好ge野

無論係幾咁冇可能 一諗到個景象依然令我痛苦萬分

結果你每次哄番我....我係會好番

只係唔知幾時 情緒又自動落番去

我有時真係唔敢話你知我又唔開心

你問到 我又唔知點解 或者根本唔想答

咁樣復而復之...我好驚你終於冇耐心再去理我呢個點哄都唔開心ge人!!

無論如何

我喜歡你呢點絕對唔會改變

凡事都想為你好 唔想事事要你操心(雖然我好似做唔到...)

如果你會覺得我干涉哂你ge私生活令你唔高興的話....請你話我知

不過我都希望可以同到你身邊ge fd做朋友

或者而家ge我....最想都係有醫生睇下...

呢d時候ge我永遠都係自卑﹑多疑﹑妒忌,

永遠都覺得自己o係你同朋友生活圈子中係多餘ge

其實我都想日日開開心心笑面迎人架...

更加唔想你成日都因為見到我唔開心而擔心...

而家ge我真係好辛苦...日日都為一d無謂野傷心

甚至成日都諗自殺....不過我每次都會因為唔捨得你﹑唔想你咁樣跟左我去...

所以我都一定打消左念頭....仲有好多好日子想同你一齊過...

睇下有冇d可以令人心境開朗ge藥開比我食@_@"

到最後...如果你問其實我講咁多野到底想點....

我會答唔知道.......

或者只係想好好地﹑安安穩穩咁﹑無憂無慮咁同你生活啦!!

總之...小賢...對唔住呀...

唔覺唔覺已經識左一年....
到月尾就拍拖一年啦~~
時間真係過得好快....
o個時同你只不過係討論區吹吹水ge朋友
到而家變成同居ge情侶
希望可以長長久久~

講起黎相識一周年ge海膽同鰻魚壽司唔知點解特別好味

by 燕子

6月10日....我終於再次入廚房啦~~
好耐冇一齊實實際際咁落街市買餸上黎煮~

食番最愛ge蒜香雞翼﹑蕃茄牛肉﹑薯仔炒蛋~
仲有小賢整ge魚香茄子~
不過一開始食d茄子唔夠稔....小賢好似有d嬲
即刻整喊左我=.="
好在好快又哄番我冇事~
但平時都唔食茄子ge我唔知點解就係肯食小賢整ge茄子

而家咁夜啦...
我又唔知做咩唔訓覺
掛住睇你訓著左ge可愛樣睇到唔捨得訓

by 燕子